Kyaa wakayi hume Jeena aata hain..

Kayi baar ye sawal chubh sa jata hai ki Kyaa wakayi hume Jeena aata hain..

Zara si mushkil tod deti hai hume..

Zara hi aandhi mod deti hai hume..

Khushiyo ki chahat to bohot hai..

Par Kyaa gam se ubar pana aata ??

Raah me kaante ho to aage badhte hi nhi kadam

Aur kuch nhi to raaste hi badal Lete hai hum..

Phoolon ki khwaish to bohot hai..

Par kya raah k kaante hatana aata hai..

Kismat

Kismat… Is shabd ne hmesha Muje bohot hairaan kiya.. Kahi suna tha ki jo kismat me hota hai vo mil hi jata hai.. Par sochne wali bat ye hai ki kon tay krta hai hmari kismat.. Kuch log kehte hai ki hum apni kismat khud likhte hai.. To kuch kehte hai uparwala.. Par agar hum apni kismat khud likhte to apni hi zindagi me dard kyun likhte.. Aur Agar uparwala likhta to Vo apne masum bachcho ko itna dard Kyun deta …kuch log kehte hai Jaise hmare Karm hote hai vesi hmari kismat.. Aur agar aisa Hai to.. kya galti hoti hai un Ladkiyo ki jinhe Janam se pehle hi maa ki konkh me maar diya jata hai.. Ya unki jo Janam to le leti hai Par Unhe kbhi parivar ka pyar nhi milta ..unki maa ko samman nhi milta.. Ghar se Nikal diya jata hai ..kyunki Vo Ek Ladki hai.. Kisne Likhi aisi kismat ki Kisi ka apna wajood hi uske Dukh ka Karan ban jaye…aur jab vo maa ghar se Nikal jaye to ye Duniya Ye samaj use jeene nhi deta.. Aakhir galti kiski thi aur saja kise milti hai… Kyaa yhi hai kismat… Ki jo sehta Jaye use dard milta rahe.. Aur kisi ko bina maange sab mil jaye….ye kaisa khel hai niyati ka..kyun kismat ka darwaja kisi k liye kbhi khulta hi nhi.. Kyun jo diya khud jalkar pure kamre ko roshan Karta hai.. Usi k pass siway adhere k kuch nhi bachta.. Ye kismat shabd shayad mere liye hmesha ek paheli hi rahega.. Jise shayad mai kabhi suljha Na saku.

– innervoiceme

Haan kuch aur bhi hu Main.

Is bewafa Duniya me, khud Par itna vishwas

Yakin dilaata hai ki

Meri pehchan sirf Itni hi nahi…

Kuch aur bhi hu Main …

Lafzo me nahi baandhna hain mujhe khud ko,

Warna kehne ko to bohot kuch hu..

Kyunki ek Sukun bhari Khamoshi ke sath,

Man me uthte bawandar ka shor bhi hu mai…

Hu bebas shayad kayi mayno me main..

Par roshani ki chah bhi hain..

Kyunki andhero ka daaman chhod ummeed liye jaagti..

Ek bhor bhi hu mai..

Likhe ho gam hazaro taqdir me meri,

Fir bhi hothon Par muskan hai..

Kyunki kadi dhoop K baad aayi bochharo me..

Khushi se naachta hua mor bhi hu Main..

Mujhme Ehsas hai, Mahak hai mitti ki..

Par aasman utna bhi dur nahi mujhse..

Kyunki le jaati hain jo bejaan patango ko bhi unchayiyo tak

Wo dor bhi hu Main…

Haan kuch aur bhi hu Main….

Ek khat Tumhare naam

dear…

Tumhe kis naam se pukaru Aaj to ye bhi samjh nhi aa rha hai.. Bohot kuch kehna chahti thi Tumse.. Par kabhi zubaan ne sath nahi diya ..to kabhi tumhari Khamoshi ne kuch kehne nhi diya.. Muje Aaj bhi yaad hai Bachpan ke vo din.. Jab hum ek hi class me hua karte the.. Kitna Ladte the hum.. Main hmesha tumhari shikayat Kar diya Karti thi.. Aur tum bhi to kuch kam nhi the.. Tum mujse jyada marks aane Par muje chidaya karte the.. Vo shararate ..vo dosti sab kuch yaad hai Muje.. Fir Ek din mai vo shahar chhod kar Chali gyi…vo school chhod Kar.. Tumhe chhod Kar.. Saalo guzar gaye.. Humne Bachpan ko peeche chhod Kar umar ki Ek nayi dehleez Par kadam rakha.. Us shahar se Judi meri sari yaadein dhundhli pad chuki thi.. Us yaado Ke Kohre me bas Ek chehra tha Jise main Saaf dekh sakti thi.. Tumhara chehra…main to khud bhi nahi janti thi ki kahi Na kahi main tumhe dhundh rahi thi.. Tumhara intzar Kar rhi thi.. Duniya gol hai.. Is bat ka Ehsas muje tab hua jab kismat ne tumhe mere saamne lakar Khada Kar diya.. Main clg ja rhi thi aur tum Usi din mere shahar aaye the..kaise hath me Saaman uthaye ek address puch rahe the.. Tumhe dekh Kar Aisa lga Mano saalo ka intzar khatm ho gya tha.. Kitni khush thi mai.. Us din jab tum gaye main tumhe dekhti rahi.. Tab tk jab tak Tum aankho se ojhal nhi huye.. Maano mai ek hi din me saalo ki Kami puri Kar Lena chahti thi.. Aur fir hum Milne lage.. Baatein huyi ..aur Muje pata hi nhi chala ki kab Mai khud ko tumhare naam Kar chuki thi.. Ek din Tumne Muje propose kiya..aur Maine bhi Haan krdi.. Us din Aisa lga Mano kuch bhi maang leti to mil jata.. Vo jo tumhare liye Ek khel tha mere liye meri zindagi ban gya tha.. Kabhi kabhi soch K hairani hoti hai k kaise maine tumhe Itni importance dedi.. Kuch bhi kr sakti thi tumhare liye kuch bhi.. Hmesha se janti thi ki tum Mujse itna pyar nhi krte Fir bhi Na Jane Kyun Ye baat mere liye kbhi mayne nhi Rakhti thi…mere liye to mera pyar hi kafi tha .. janti thi ki tumhari har bat Jhuth hai dhoka hai.. Fir bhi Na Jane Kyun tumhari har bat Par yakin krne ka man krta tha..tum mere liye kya the vo to mai Lafzo me Bayan bhi nhi kr sakti.. Bs yhi keh sakti hu ki mere likhe har Lafz Ki wajah jarur Ho tum…tumhari aankho Me Sara jahan nazar aata tha Muje.. Par Afsos ki kabhi Unme khud ko nahi dekh payi.. Muje Rona nhi aata tha…sb kehte the ki ye kbhi nhi Roti Kitni strong hai.. Par ye galat tha Mai kamjor thi…darti Thi apni feelings share krne se.. Apne emotions ko chupati thi isliye Roti nhi thi.. Par Tumne muje majbut bnaya. Muje Rona sikha diya.. Aaj bhi mere har aansu k gunehgar Ho tum. Tumse Mai Sb kuch share kr sakti thi ..itna to Maine kbhi khud Ko bhi nhi Jana tha. Jitna tumhe btaya tha.. Jitna Tumse share kiya tha…ye bohot ache se janti thi mai ki Ek din tum Chle jaoge Muje chhod Kar .. Fir bhi mujhpar is bat ka koi asar nhi hua ..aur Na hi mere pyar Par.. Jitne Din Muje Mile the Mai Usi Mai Apni zindagi jee Lena chahti thi. Din beet rahe the Aur mai khud ko majbut bna rhi thi ki tumhare bina reh saku..fir Vo din bhi aaya Jb tum Chle gye …Maine tumhe tb Roka bhi nhi ..Kyunki mai us bat ko accept kr chuki thi…fir bhi hmesha yhi wish krti thi ki tum lout aao .. Tumhe bhulane ki bohot koshish ki aur us koshish me khud ko bohot hurt bhi kiya.. Par tum koi yaad nahi the Jise bhula du.. Tum to ek Ehsas the Jise Mai hmesha Mehsus Kar sakti thi….mai pehle jaisi thi bilkul vaisi hi hu. Aur tumhare liye Shayad mera pyar bhi. Bs farq sirf itna hai ki pehle mai tumhe Apni zindagi Mai chahti thi …aur ab nhi chahti.. Pehle bhi har Prayer ,har dua me tumhara ziqr tha Aur Aaj bhi hai.. Bs pehle tumhe Maangti Thi aur ab tumhari khushi mangti hu.. log kehte hai tum meri life ki ek mistake Ho … Par muje nhi lgta.. Maine kuch hi waqt me tumhare sath zindagi Ki har khushi Mehsus ki thi …tumhari wajah se maine zindagi Aur khud ko itne Kareeb se Jana.. Kuch log hote hai jo Kisi se pyar krte hai pr kbhi use bta nhi pate Aur zindagi bhar pachhtate hai.. Par muje khushi hai is bat ki. Ki Maine Vo galti nhi ki.. Maine tumhe btaya ki mai tumhe kitna pyar krti hu. Tum mere liye kya mayne rakhte ho… Aaj tum kaha ho kaise ho ye to mai nhi janti… Par muje yakin hai tum jaha bhi ho ye baat jante honge ..ki koi hai Jisne Tumse behad pyar kiya tha.. . Itna bebas bna deti hai na zindagi kbhi kbhi. Ki khud ko hi dhundne K liye Kisi ki talaash krni pdti hai.. Waqt bohot Ajeeb khel khelta hai .Hume pata bhi nhi hota Aur hum ek pal me hi sab Kuch haar jate hai… bs palak jhapakte hi Duniya badal jati hai ..Aur Lakh koshisho K bad bhi kuch nhi bachta. ..bilkul vese hi jaise barish ko mutthi me kaid karne ki chahat me hatheliya to geeli Ho jati hai par hath hmesha Khali hi reh jate hai..tum bhi shayad mere liye barish ki Tarah hi the ..jo hawa K jhoke ki Tarah meri zindagi me aaye Aur tufaan ki tarah chale gye …jiske bad sab kuch bikhar gya aur reh gyi Ek gumnam Khamoshi.. Aisi barish Jisne muje bhiga to diya.. Par Jise Mai kaid nhi Kar saki.. Kbhi soch Kar dekho to lgta hai ki jo shabd khud hi adhura hai. uske pure hone ki ummeed kyu kr Lete hai hum…is Adhure se shabd se jo bhi Muje mila sab adhura hi to tha.. Adhura Ehsas, adhuri khushi, adhura rishta, adhuri judayi Aur adhuri zindagi… Waqt kbhi nhi rukta Aur Na lout K aata hai Aur Na hi vo Jise waqt K sath kho diya hai. . Bas kuch nishaan kuch yaad hi sath reh jati hai jo zindagi bhar Ek Ajeeb sa Sukun de jati hai..

– tumhari taani

– innervoiceme

Meri talaash

kitne mousam beet gaye, Par meri talaash Ab bhi jaari Hai

Din raat badalte is waqt Ke sath..

Khoyi huyi vo Keemati cheez khoj rahi hu main..

Dhundha kabhi in tasviro me, to kabhi hathon ki lakeero me

Kabhi in kitabo Ke panno ko to, kbhi yaado Ke khajano ko

Badi ummeed se palat rahi hu Main , Khoyi huyi vo Keemati cheez khoj rahi hu Main..

Kabhi Chidiya ki chahak me, to kabhi Phulo ki Mahak Me

Kabhi koyal ki kuk me, to kabhi kisi taan me

Kuch sunne ki koshish Kar rhi hu Main, Khoyi huyi vo Keemati cheez khoj rahi hu Main…

Kabhi khule aasman me, to kbhi band darwajo me,

Kabhi Ghar me to, kbhi gum hote in galiyaro me,

Hmesha kuch Na kuch tatol rahi hu Main, Khoyi huyi vo Keemati cheez khoj rahi hu Main…

Kabhi dosto ki baaton me, kabhi Akeli andheri raaton me

Kabhi kisi ki muskan, to kabhi kisi ka har Ek aansu

badi shiddat se parakh rahi hu Main, Khoyi huyi vo Keemati cheez khoj rahi hu Main. ..

Kabhi waqt ki ruswai me, kabhi khamosh tanhayi me

Kabhi kisi ki ummeedo me, kabhi jaagti aankho ki neendo me

Apni pehchan hi kho di hai Maine..

Ab shayad sudhar rahi hu Bhul apni..

Tabhi to kabhi apne man me, to kabhi ruh me

Kitni bebasi se khud ko khud me hi khoj rahi hu Main…..

– innervoiceme

Ek nayi mulakaat

ye mera pehla blog hai..abhi tak apne man ke bawandar ko khud tak rakha hai.. Lekin aaj saare raaz khol dena chahti hu . Sb kuch kehna chahti hu .. Na Jane Kitni aisi bate hoti hai jo hum kbhi khud se bhi nhi Kar pate hai..kitni aisi khwaishe hoti hai jo hmesha sirf man me hi reh jati hai…hum dusro se ummeed krte hi ki koi Hume samjhe Par Sach to ye hai ki hum khud ko hi samjh nhi paate .. Duniya se kya khud se hi jhuth Bolne lagte hai .. jo bate Kisi ke saamne accept nhi kar Paate Aaj Vo main yaha sajha krna chahti hu
..kehne ko to insan is Duniya me akela hi aata hai Aur akela chala jata hai.. Par fir bhi kabhi Azaad nhi hota .. hmesha kayi Bandhano me bandha hua hota hai.. kuch Bandhan sahara dete hai to kuch sirf paon ki bediya ban Kar reh jate hain.. Aur unhi me ulajh Ke reh jati hai humari zindagi.. Aaj un sari Bediyo ko tod Kar udna chahti hu Main ..khud ki khud se pehchan krana chahti..aaj tak Duniya ko samjhti rhi.. aaj khud ko samjhna chahti hu .. khud se Milna chahti hun